დაიხურება თუ არა ნინოწმინდის ბავშვთა პანსიონი ან რა ფორმით გააგრძელებს ის ფუნქციონირებას ამ დროისთვის უცნობია. საპატრიარქოს იურისტი ედიშერ ქარჩავა ადასტურებს, რომ გადაწყვეტილება მიღებულია, თუმცა ჯერ დეტალებზე არ საუბრობს.
მისი თქმით, ნინოწმინდის პანსიონში საპატრიარქოს წარმომადგენლები ჩავლენ და გადაწყვეტილება ამის შემდეგ, ადგილზე გაჟღერდება.
"რა გადაწყვეტილებაც იქნა მიღებული საპატრიარქოს და კათოლიკოს პატრიარქის მიერ, გაჟღერებული იქნება ნინოწმინდაში, როდესაც ჩავალთ. ძალიან მნიშვნელოვანი გადაწყვეტილება ნინოწმინდაში გაჟღერდება," - განაცხადა ედიშერ ქარჩავამ.